• Çairska nr.52, Shkup 1000
  • Hën - Pre 8:00 - 16:00
Na ndiqni:
SHQ | MKD | ENG
  • Info:
  • Tel: + 389 2 3117 410
  • + 389 2 3117 410

URIM ME RASTIN E ZGJEDHJES SË PROF. DR. NEXHAD GRABUSIT REISUL-ULEMA I BASHKËSISË ISLAME TË BOSNJË-HERCEGOVINËS



Shpërndaje:

URIM ME RASTIN E ZGJEDHJES SË PROF. DR. NEXHAD GRABUSIT REISUL-ULEMA I BASHKËSISË ISLAME TË BOSNJË-HERCEGOVINËS

URIM ME RASTIN E ZGJEDHJES SË PROF. DR. NEXHAD GRABUSIT REISUL-ULEMA I BASHKËSISË ISLAME TË BOSNJË-HERCEGOVINËS
Esselamu alejkum ve rahmetullahi ve berekatuhu
I nderuar Reisul-Ulema, prof. dr. Nedžad ef. Grabusi!
Me gëzim të sinqertë dhe respekt të veçantë, Ju përcjell urimet e mia më të përzemërta me rastin e zgjedhjes Suaj në detyrën e Reisul-Ulemasë së Bashkësisë Islame të Bosnjë-Hercegovinës.
Zgjedhja Juaj përbën një vlerësim të lartë për angazhimin Tuaj të deritanishëm fetar, shkencor dhe shoqëror, si dhe për përkushtimin Tuaj ndaj Islamit, Bashkësisë Islame dhe mirëqenies së popullit boshnjak.
Besoj thellësisht se përvoja Juaj e pasur, dija, urtësia dhe ndjenja e përgjegjësisë do të jenë një mbështetje e fuqishme për forcimin e mëtejshëm të Bashkësisë Islame në Bosnjë-Hercegovinë, ruajtjen e dinjitetit dhe unitetit të saj, si dhe avancimin e rolit të saj të rëndësishëm në jetën e myslimanëve në Ballkan.
Në këtë kohë të rëndësishme dhe sfiduese, detyra Juaj e re përfaqëson një nder të madh, por edhe një përgjegjësi të veçantë. Jam i bindur se, me ndihmën e Allahut të Madhërishëm, përmes punës, vizionit dhe përkushtimit Tuaj, do t’u përgjigjeni me sukses sfidave të kohës dhe do të vazhdoni të ndërtoni ura mirëkuptimi, besimi dhe bashkëpunimi.
Lus Allahun e Lartësuar që t’Ju dhurojë shëndet të fortë, forcë, urtësi dhe qëndrueshmëri; t’Ju forcojë në rrugën e së vërtetës dhe të së mirës, si dhe ta bëjë mandatin Tuaj të mbushur me suksese, përparim dhe bereqet, në të mirë të Bashkësisë Islame, popullit boshnjak dhe të gjithë myslimanëve.
Allahu i Madhërishëm ju ruajtë, ju ndihmoftë dhe ju dhëntë sukses në ushtrimin e kësaj detyre të ndershme dhe me përgjegjësi të lartë.
Me shprehjet e respektit të thellë, solidaritetit vëllazëror dhe lutjeve të sinqerta, pranoni edhe një herë urimet e mia më të përzemërta.
Me respekt të veçantë,
Zoti Ju bekoftë.
H. Hafiz Shaqir ef. Fetai
Reisul-Ulema i Bashkësisë Fetare Islame
të Republikës së Maqedonisë së Veriut
Shpërndaje: