REISUL ULEMA I BFI E RMV PRITI NË TAKIM AMBASADOREN E RF TË GJERMANISË Znj. PETRA DREKSLER

Sot më 05.07.2023 Reisul Ulema i BFI e RMV H Hfz Shaqir ef. Fetai priti në kabinetin e tij ambasadoren e re të RF të Gjermanisë Znj. Petra Dreksler të cilës së pari i uroj mirëseardhje, i shprehi urime për detyrën e re ambasadore e Gjermanisë në Shkup duke i dëshiruar suksese në detyrën e re.

Njiherit Reisul Ulema e informoi mbi rolin e BFI e RMV, synimet e saja, angazhimin në shoqërinë multikonfesionale, paqën, tolerancën, zhvillimi i jetës kulturore dhe shkencore, ngritja e vetëdijes mbi luftën kundër anomalive në shoqëri, kultivimi i dialogut ndërfetar, dhe shumë çështje tjera.

Ambasadorja e RF të Gjermanisë Znj. Petra Dreksler shprehu mirënjohjen dhe kënaqësinë e saj për pritjen e ngrohtë dhe për njohjen me BFI e RMV dhe këtë vizitë e konsideroi si shumë të rëndësishme dhe se BFI është Organizatë me ndikim të madhë në shoqëri dhe dha përkrahje rreth konceptit të BFI e RMV., në veçanti respektin e Reisul Ulemasë mbi rolin e Kancelarit të Gjermanisë për paqën në botë, e në veçanti në Ballkan.