Bashkësia Fetare Islame në Republiken e Maqedonisë së Veriut
Bashkësia Fetare Islame e Republiken së Maqedonisë së Veriut

Reisi viziton Kryetarin e Gjykatës Kushtetuese

Reisi viziton Kryetarin e Gjykatës Kushtetuese

Më 26 nëntor, 2019, Reis’ul-Ulema h. Sulejman ef. Rexhepi, Kryetar i Bashkësisë Fetare Islame, ka vizituar Kryetarin e Gjykatës Kushtetuese të Republikës së Maqedonisë së Veriut, Sali Murati, i cili në këtë detyrë është nga 1 nëntori. Gjykatësit e Gjykatës Kushtetuese janë me mandat prej 9 vitesh, ndërsa në vendin e Kryetarit – prej 3 vitesh, pa të drejtën e rizgjedhjes.
Kryetari i BFI-së i ka uruar postin z. Sali Murati, duke i dëshiruar sukses dhe shëndet në këtë pozicion mjaft të rëndësishëm në një shtet dhe në një shoqëri. Ardhja e juristit nga Vrapçishti i Gostivarit në krye të Gjykatës Kushtetuese, qoftë edhe për një periudhë të shkurtër trevjeçare, i ka ngjallur shpresat te të gjithë qytetarët tek reformimi i gjyqësisë dhe i jurisprudencës në përgjithësi, si një nga prioritetet e Republikës së Maqedonisë në vazhdimësi dhe aktualisht.
Sulejman ef. Rexhepi i ka dorëzuar Kryetarit të Gjykatës Kushtetuese kompletin e veprave të veta “Për Fe dhe Atdhe” dhe logon e BFI-së me Kuranin e artë.
Të dy bashkëbiseduesit kanë rënë dakord për një bashkëpunim të gjerë midis dy institucioneve, gjithnjë në të mirë të të gjithë qytetarëve pa përjashtim.

Merr përditësime në kohë reale në pajisjen tënde, Abonohu tani.

Ju gjithashtu mund të lexoni