Bashkësia Fetare Islame e R.M, i informon familjarët që kanë përcjellur të afërmit e tyre për në haxh, besimtarët si dhe gjithë opinionin e gjërë se të gjithë haxhinjtë nga Maqedonia që kanë udhëtuar këtë vit për në vendet e shenjta tani për momentin janë duke qëndruar në kodrën e Arafatit duke kryer njërin nga farzet e Haxhit.
Gjithashtu na është bërë e ditur se hoxhallarët (teologët ) që janë udhëheqës të haxhinjëve janë në kujdesje maksimale me këshilla dhe ligjerata lidhur me vlerën, filozofinë dhe urtësitë që burojnë nga qëndrimi në Arafat.
Njëherit duam të njoftojm bashkëfamiljarët e haxhinjëve se të gjithë të afërmit e tyre janë mirë me shëndet dhe gjithçka nga ajo që duhet të realizohet dhe aplikohet nga haxhinjët është duke rrjedhur mirë, pa probleme dhe me sukses. Me përfundimin e këtij adhurimi (të qëndruarit në kodrën e Arafat) udhëtimi i tyre do të vazhdojë për në Muzdelife dhe Mina.
Foto nga nisja për Arafat:
Foto në Arafat
Shërbimi për Informim pranë BFI-së
Comments are closed.