Bashkësia Fetare Islame në Republiken e Maqedonisë së Veriut
Bashkësia Fetare Islame e Republiken së Maqedonisë së Veriut

KRYETARI I KUVENDIT TË REPUBLIKËS SË MAQEDONISË SË VERIUT, MR. TALAT XHAFERI, URON KRYETARIN E BFI NË RMV, REISUL ULEMA, H. HFZ. SHAQIR EF. FETAHUN ME RASTIN E ZGJEDHJES SË TIJ NË KRYE TË BASHKËSISË FETARE ISLAME

Kryetari i Kuvendit të Republikës së Maqedonisë së Veriut, mr. Talat Xhaferi i ka dërguar një shkresë urimi Kryetarit të BFI në RMV, Reisul Ulema, H. Hfz. Shaqir ef. Fetahut, në të cilën e përgëzon për zgjedhjen e Tij në pozitën e kreut të Bashkësisë Fetare Islame, në emrin e tij dhe në emrin e të gjithë deputetëve në Kuvendin e Republikës së Maqedonisë së Veriut.
Z. Xhaferi shprehet i bindur se Reisul Ulemaja do ta kryejë detyrën që është detyra më e lartë në hierarkinë e Bashkësisë Fetare Islame në vendin tonë, me nderin, respektin, seriozitetin dhe gjithë përgjegjësinë që e mban mbi vete ky post i rëndësishëm për besimtarët mysliman që janë pjesë e tij, për Rijasetin dhe për vendosjen e marrëdhënieve të mirëkuptimit dhe bashkëpunimit ndërmjet qytetarëve të Republikës së Maqedonisë së Veriut, që janë pjesëtarë të bashkësive të ndryshme fetare, duke dhënë si shembull bashkëpunimin Tuaj me institucionet homologe në vend.”
Për fund, Kryetari i Kuvendit të RMV i uron Reisul Ulemasë shëndet të mirë, energji të pafund, vullnet dhe vizion në çdo hap dhe veprim që do e ndërmarrë në emër të Bashkësisë Fetare Islame.

Merr përditësime në kohë reale në pajisjen tënde, Abonohu tani.

Ju gjithashtu mund të lexoni