Përfaqësuesit e Këshillit Botëror të Bashkësive Muslimane me seli në Abu Dabi të EBA dhe Kryetarit të saj, ekselencës së tij, Prof. Dr. Ali En-Nuajmij, u pritën sot nga Reisul Ulema, H. Hfz. Shaqir ef. Fetahu, në selinë e Bashkësisë Fetare Islame në Shkup.
Përfaqësuesit e nderuar të udhëhequr nga Dr. Omer Salim Beriikij dhe dy anëtarët tjerë të delegacionit z. Abdullah Ka’bij – drejtor i raporteve të përgjithshme dhe z. Rashid Nuajmij – drejtor i Protokollit u pritën nga Reisul Ulema H. Hfz. Shaqir ef. Fetahu, Drejtori i Drejtorisë për marrëdhënie me botën arabe H. Ismet ef. Ademi, Sekretari Gjeneral i BFI në RMV H. Irsal ef. Jakupi dhe Myftiu i Myftinisë së BFI Kumanovë H. Abedin ef. Imeri.
Në takim u bisedua rreth jetës fetare në Maqedoninë e Veriut dhe u njoftuan mysafirët me Bashkësinë Fetare Islame të vendit. Ndër të tjera, u bisedua edhe për zhvillimin e bashkëpunimit mes të dy institucioneve.
Pas takimi mysafirët e vizituan edhe Myftininë e Kumanovës ku panë objektin e ri të Myftinisë.