Në ditën e dytë të vizitës zyrtare të delegacionit të Bashkësisë Fetare Islame të Republikës së Maqedonisë së Veriu, të udhëhequr nga Kreu i BFI H. Hfz. Shaqir ef. Fetai, i cili në shoqërinë e Myftiut të BFI Kumanovë H. Abedin ef. Imeri dhe Drejtori i Sektorit për marrëdhënie me Botën Islame pranë BFI H. Ismet ef. Ademi, të martën, më 15.09.2020 realizuan takimin e dytë me Këshillin Botëror të Komuniteteve Muslimane në Dubai me personalitetet eminente të tij: Dr. Nasir Muhamed Arif – Këshilltari i parë i Kryetarit të Këshillit dhe Z. Hasan El Merzuki – Drejtor ekzekutiv.
Qëllimi i këtij takimi ishte që në detaje të bisedohet për mënyrën e bashkëpunimit në të ardhmen mes dy institucioneve. Gjithashtu ky ishte një takim më tepër qartësues për aktivitetet e Bashkësisë Fetare Islame të RMV, synimet si dhe nevojat e saja në kohën e sodit. Për këtë shkak, Kreu i BFI H. Hfz. Shaqi ef. Fetai u shprehu falënderimet më të sinqerta në emër të BFI për pritjen, respektin si dhe për gatishmërinë e tyre për një bashkëpunim në të ardhmen.
Ditët në vijim, delegacioni i BFI do të vazhdon me vizita nëpër institute tjera të rëndësishme, ndërsa në Dubai do të qëndrojnë deri të premten.
Comments are closed.