Bashkësia Fetare Islame në Republiken e Maqedonisë së Veriut
Bashkësia Fetare Islame e Republiken së Maqedonisë së Veriut

HAPET XHAMIA PESËSHEKULLORE “HAXHI MUHJIDIN” NË LAGJEN SERAVË TË SHKUPIT

Sot, më 21 tetor 2020 me një program solemn, hapet xhamia e lashtë pesëshekullore”Haxhi Muhjidin” në lagjen Seravë të Shkupit, ku në prezencë të ud.kryetari i Bashkësisë Fetare Islame, Reisul Ulema h.hfz.Shaqir ef.Fetai i shoqëruar nga kabineti i tij, Myftiut të Myftinisë së Shkupit dr. Qenan ef. Ismaili, Myftiut të Myftinisë së Tetovës Dr.Qani ef.Nesimi, Myftiu i Myftinisë së Strugës Mr.Salim ef.Sulejmani, Myftiu i Myftinisë së Ohrit h.Samet ef.Ajdari, Myftiu i Myftinisë së Shtipit Mr.Nasir ef.Rexhepi, koordinatori i Myftinisë së Kërçovës Qamil ef.Rushiti, kryetarit të O.H “Hilal” pranë BFI-së Fadil ef. Ramadani, hoxhallarë nga gjitha rajonet e Shkupit si dhe xhematlinj të Shkupit u bë hapja e xhamisë “Haxhi Muhjidin”.
Programi filloi me leximin e disa ajeteve kuranore nga Nimet ef. Aliu.
Me fjalë përshëndetëse të pranishmëve iu drejtua hatibi i xhamisë Bexhet ef.Dernjani, i cili në emër të këshillit të xhamisë falenderoi të pranishmit për prezencën e tyre.
Fjala përshëndetëse i takoi nikoqirit të organizimit të këtij programi, dr. Qenan ef. Ismaili i cili foli mbi vlerën dhe rëndësinë e xhamisë në Islam, duke lutur Zotin që donatorët t’i shpërblejë, në këtë rast, çmoi lartë kontributin e familjes Bushi, të cilët mbështetën rindërtimin e xhamisë duke sakrifikuar nga pasuria e tyre, që kjo xhami të shëndrohet në vatër shërbimi e edukimi për besimtarët e kësaj lagje.
Po ashtu, fjalë përshëndetëse kishte edhe Kryetari i Komunës Çair, z. Visar Ganiu.
Fjala e rastit i takoi Kreut të Bashkësisë Fetare Islame të Republikës së Maqedonisë së Veriut, H. Hfz. Shaqir ef. Fetai foli rreth rëndësisë së rikthimit të xhamive të rrënuara dhe adoptimin e tyre për tu shërbyer besimtarëve.
Kreu i BFI gjithashtu falënderoi të gjithë kontribuuesit në rikthimin e kësaj xhamie, e cila prej sot, do të shërbejë për besimtarët muslimanë, e do ta gjallërojë lagjen e Seravës me ezanin e kësaj xhamie të lashtë, e cila sërish kthehet në vendin e saj.
“Falënderimi i takon Zotit që na mundësoi ta kthejmë xhaminë, aty ku ka qenë shekuj më parë dhe ky është një gëzim i papërshkrueshëm, që vështirë të përshkruhet me fjalë për faktin se po kthejmë një xhami të vjetër, ku ezani, namazi do të falen në këtë shtëpi të Allahut” – tha mes tjerash Reisi.
Për të gjithë ata që kontribuan në rindërtimin e kësaj xhamie, u ndanë mirënjohje për kontributin e dhënë dhe atë;
Familjes Bushi për kontributin e dhënë në mbështetjen financiare si donatorë kryesor të xhamisë; z.Fatmir Eminit për mbikqyrjen e punimeve, z. Visar Ganiut për mbështetjen institucionale, si dhe hatibit të xhamisë Bexhet ef. Dernjani për angazhimin e tij deri në përfundimin e punimeve.
Më pas, hfz. Sabaatin ef. Nuhiju, lexoi disa ajete Kuranore.
Programi u përmbyll me duanë nga Myftiu i Myftinisë së Tetovës, Prof. dr. Qani ef. Nesimi.

Merr përditësime në kohë reale në pajisjen tënde, Abonohu tani.

Ju gjithashtu mund të lexoni