Fitër Bajrami festë solidarizimi

Festa e Fitër Bajramit është festa madhështore që kremton bota Islame me përfundimin e muajit të madhërishëm të Ramazanit gjegjësisht shpërblim për kontributin e dhënë nga besimtarët mysliman për një muaj të plotë.

Fitër Bajrami është njëra nga dy festat që ka shoqëria islame, në mesin tonë manifestimi i saj në mënyrë tradicionale fillon nga falja e namazit të Bajramit në xhami qëndrore të organizuar nga Bashkësia Fetare Islame.

Këtë vitë Riaseti i Bashkësisë Fetare Islame në R.M manifestimin qëndror me rastin e festës së Fitër Bajramit në xhaminë e Mustafa Pashës e cila është e pozicionuar në Kala të Shkupit.

Në këtë manifestim ishte prezent Kryetari i BFI, Reis ul Ulemasë, H. Sulejman ef. Rexhepi, Sekretari i Përgjithshëm i BFI, h. Afrim ef. Tahiri, gjithashtu pjesëmarrës ishin anëtarë të Riasetit, Mufti dhe përfaqësues të Muftinive, udhëheqës së institucioneve edukativo-arsimore të BFI-së.

Pas faljes së namazit të Sabahut nga ana e Muftiut të Gostivarit, Shaqir ef. Fetahut, Abaz Islami si udhëheqës i programit bëri hyrjen e manifestimit duke iu dëshiraur pjesëmarje të gjithëve në xhami si dhe telespektatorëve që ndiqnin drejtpërdrejtë manifestimin në Kanalin e Dytë të Televizionit të Maqedonisë- Shkup.

Pas prezentimit të programit në fjalë, u kënduan disa ilahi tani më për opinionin e gjërë të njohur, nga një pjesë e korit të Bashkësisë Fetare Islame të udhëhequr nga drejtori i sektorit për kulturë pranë Riasetit të Bashkësisë Fetare Islame, Dr. Abaz Jahja.

Pas këtij prezentimi të mrrekullueshëm të korit të BFI, prezentuesi i programit Abaz Islami në pika të shkurtëra sqaroi mënyrën e faljes së Kurban Bajramit.

Imam për faljen e namazit të Bajramit ishte ekselenca e tij, Reis ul Ulema, H. Sulejman ef. Rexhepi, hutben e Bajramit në gjuhën Shqipe, Maqedone dhe atë Turke e mbajtën nxënësit e Medresesë së Isa Beut- Shkup, ndërsa duanë e namazit e bëri myftiu I Myftinisë së Tetovës, Alifikri ef. Esati.

Si zakonisht në ditën e parë të Bajramit organizohen pritje në selinë e BFI-së, e cila edhe kësaj radhe u frekuentua nga autoritete të larta shtetërore, lider të partive politike, amasador, nënpunësa fetar dhe institucional, qytetarë, etj. Resiul-Ulema i BFI-së, H. Sulejman ef. Rexhepi me rastin e Fitër Bajramit në BFI priti Ambasadorin e R. së Kosovës, z. Skender Durmishi, përfaqësues të Bashkimit Demokratik për Integrim, Abdulaqim Ademi dhe Musa Xhaferi, drejtoresha e Komisionit për Çështje Fetare, përfaqësues të KOM, Shef i misionit i OSBE në Shkup, z. Ralf Berth, Kryetari i Partisë Demokratike Shqiptare, z. Menduh Thaçi, etj.

Për Reis ul Ulemanë e BFI, edhe kësaj rradhe nuk munguan kartolina dhe telegram urimet me rastin e Festës së Fitër Bajramit të arritur nga Kryetari i shtetit, D-r George Ivanov,  Kryeministri, z. Nikolla Gruevski, lider të partive politike, ambasador, prefekt të komunave, drejtor dhe udhëheqës të institucioneve të ndryshme shtetërore, lider të bashkësive fetare islame të Ballkanit etj.