[:al]DEKANATI I FSHI-së SHTROI IFTAR ME RASTIN E MUAJIT TË SHENJTË TË RAMAZANIT[:]

Dekani i Fakultetit të Shkencave Islame – Shkup, Doc. Dr. Faredin Ebibi, shtroi iftar me rastin e muajit të shenjtë të Ramazanit, për të gjithë të punësuarit e Fakultetit, si mësimdhënësit, punonjësit admimnistrativ, parlamentit studentor dhe për të gjithë miqtë dhe dashamirët e shkencës dhe dijes.

Vlen të theksohet se këtë iftar modest e begatoi prezenca e disa personaliteteve, si: kryetari i Bashkësisë Fetare Islame në Republikën e Maqedonisl, Reisul-Ulema h. Sulejman ef. Rexhepi, zv/ministri i arsimit dhe shkencës, Prof. Dr. Visar Gani, së bashku me Prof. Dr. Agim Rushiti, udhëheqësi i sektorit për arsim të lartë në Ministrinë e arsimit, kryetari i Komunës së Sarajit, Bekim Murati, përfaqësues të bordit për akreditim dhe evaluim të Republikës së Maqedonisë, pëfaqësues nga inspektorati shtetëror për arsim të lartë, drejtorët e departamenteve të Rijasetit, Muftitë e Muftinive të BFI-së, drejtori dhe sekretari i Medresesë Isa Beu – Shkup, afaristë dhe ish-studentë të FSHI-së.

Para të pranishmëve u drejtua me një fjalë rasti dekani i Fakultetit, Doc. Dr. Faredin Ebibi, duke ju falenderuar të gjithë pjesëmarrësve për prezencën. Fillimisht ju pas bërë mirë iftari, i cili është shtruar enkas për miqtë dhe dashamirët e shkencës dhe dijes. Ju dëshiroj mirëseardhje në emër të stafit akademik dhe të punësuarve të FSHI-së.

Kjo sofër e përbashkët le të shërbejë si falënderim për të gjithë ju, për kontributin që keni dhënë dhe që vazhdon të jepni, secili prej jush në formën dhe mënyrën e vetë për avancimin e kësaj vatre të lartë edukative dhe arsimore të vetme e këtij lloji në vend.

Sinqerisht ju falënderojmë që iu përgjigjët pozitivisht ftesës sonë, qofshit të nderuar. dhe duke ju treguar se qëllimi i organizimit të këtij iftari modest është vetëm bashkimi i të gjithë atyre që kemi një qëllim dhe mision të përbashkët, bashkimi i atyre që një pjesë të madhe të kohës e kemi kaluar në këtë vatër të dijes.

Po ashtu para të pranishmëve fjalë përshëndetëse kishte edhe kryetari i BFI-së, h. Sulejman ef. Rexhepi, i cili në mes tjerash e falenderoi Dekanin e Fakultetit për organizimin e këtij iftari dhe po ashtu i falenderoi të gjithë të pranishmit për pjesëmarrje. Kryetari Rexhepi shtoi se si çdo vit edhe tani gjatë këtij muaji të Ramazanit Bashkësia Fetare Islame me të gjitha organet e saj është aktive në terren brenda dhe jashtë vendit, me të vetmin qëllim për të qenë sa më afër popullatës muslimane.

Për në fund kryetari Sulejman ef. Rexhepi, shprehu bindjen se tani më pas shumë përpjekjeve dhe angazhimeve të mëdha është koha që Fakulteti I Shkencave Islame – Shkup dhe Medreseja Isa Beu – Shkup, të marrin hisen e tyre që ju takon dhe të jenë të barabartë me institucionet edukativo-arsimore të KOM-it.

[maxgallery id=”6575″]