Me rastin e 28 Nëntorit, festës kombëtare të mbarë popullit shqiptar, shënimit të pavarësisë së shtetit shqiptar, BFI në RMV uron të gjithë shqiptarët për këtë festë të madhe!
Festën e Flamurit e ka uruar edhe Reisul Ulema i BFI në RMV në faqen e tij në facebook. Në urimin e tij ai thotë:
“Nesër është 28 Nëntori
Një ditë e madhe për mbarë popullin shqiptar. Më 28 nëntor 1912 shqiptarët, me në krye veprimtarin e shquar dhe patritotin intelektual Ismail Qemali, shpallën pavarësinë e shtetit Shqiptar.
Shqiptarët kanë vuajtur shumë përgjatë historisë por gjithmonë kanë dëshmuar se janë popull me vlera të larta morale dhe intelektuale. Sot, ne ndjejmë krenari që shqiptarët shijojnë lirinë kombëtare dhe të drejtën vendimmarrëse në tri shtete.
Kam kënaqësinë që në emrin tim personal dhe Bashkësisë Fetare Islame në RMV t’i uroj të gjithë bashkëkombasit e mi për Festën e Pavarësisë së Shtetit Shqiptar!
Mësimet islame na kanë mesuar qartë se një rizgjim i mirëfilltë dhe kthimi i vlerave fetare te çdo komunitet nuk mund të realizohen assesi pa një zhvillim të mirëfilltë kombëtar.
Urime!”
Comments are closed.