Очекувавме да имаме многу предизвици, но благодарение на Возвишениот Алах, со мудрост, разумност, трпение и стратегија успеавме непречено, без поголеми проблеми да управуваме со големата куќа наречена Исламска Верска Заедница, вели меѓу другото Претседателот на Исламската Верска Заедница на Република Северна Македонија во ексклузивното интервју за „Млада Месечина“. – ИВЗ на РСМ придонесува за формирање на толерантна средина, мир, хуманост, соживот, со напори да се едуцираа широката исламска маса, да не стана жртва на различни струи, како штетни појави не само за општеството туку и за самиот Ислам и муслиманите, свесни дека озлогласените појави како што се екстремизмот и тероризмот немаат ништо заедничко со Исламот и муслиманите. Имаме уште многу работа во иднина – вели Претседателот на ИВЗ.
-Припадниците на исламот се клучниот фактор во рамките на Исламската Верска Заедница и ние им пристапуваме со големо внимание, почит и одговорност. Тие се главните носители во развојот на Исламот. Ние ќе бидеме на нивна услуга во секое време; во радост и во неволја. На крајот на краиштата, ние постоиме за да бидеме во нивна служба. Посакувам да бидат единствени, обединети, блиски еден до друг, обучени во различни сфери, да бидат свесни за времето во кое живееме, да бидат цврсти во совладувањето на предизвиците, за да бидат вистински носители на Исламот во времето и просторот. Го молам Семоќниот Алах да ни даде сила на верата, на добро размислување, постапувајќи во согласност со принципите на Чесниот Куран. АЛАХ ДА НЕ БЛАГОСЛОВИ СО СВОИТЕ ДОБРИНИ!
Comments are closed.