Urim Presidentit të Turqisë

Jun 26, 2018 admin Lajme 0 1,740 views

Deri te:

Rexhep Tajjip ERDOGAN

Kryetari i parë i sistemit Presidencial të Republikës së Turqisë

Tema:URIM

Shumë i respektuari kryetar,

Me rastin e përfundimit të suksesshëm të zgjedhjeve presidenciale të mbajtura më 24 qershor 2018, në emrin tim personal, në emër të Bashkësisë Fetare Islame në RM, dhe në emër të të gjithë muslimanëve të Maqedonisë, sinqerisht dhe përzemërsisht ju uroj këtë fitore të madhe.

Siç keni theksuar edhe ju i nderuar, populli turk ka sakrifikuar në forma të ndryshme për lirin e tij, dy shekujt radhazi. Edhe këto zgjedhje janë kurorëzim i suksesit tuaj, të cilin e keni arritur pavarësisht të gjitha pengesave dhe skenave të errëta brenda dhe jashtë Republikës së Turqisë. Kjo do ta shënojë emrin tuaj me shkronja të arta në historinë e Republikës së Turqisë si kryetar i parë i saj të sistemit presidencial.

Me qëndrime të denja që i ka hije një muslimani të vërtetë, rrugëtimi juaj me një besim dhe vendosmëri të madhe në drejtim të qëllimeve që keni përcaktuar, me qëndrimin tuaj të drejt dhe stoik duke mos u tërhequr asnjëherë nga këto qëllime, mospërurlja përballë asnjë lloj shtypje dhe kërcënimi, ka bërë që të fitoni simpatinë dhe besimin e popullit turk. Ju gjithmonë jeni interesuar për së afërmi për çështjet e të gjithë muslimanëve të botës, si dhe jeni solidarizuar me vuajtjet e të shtypurve. Sidomos keni treguar një ndjeshmëri të veçantë për popujt e Balkanit, e në veçanti për muslimanët në këtë vend. Zemra e Ballkanit është Shkupi. Qyteti i Shkupit ka qenë është dhe do të jetë pjesë e juaj. Edhe Shkupi gjithmonë do tju mbajë në zemër.

Uroj që ky suksesi juaj i madh të jetë në dobi të Republikës së Turqisë, të botës islame, si dhe në dobi të të gjithë të shtypurve ku do qofshin në botë. Dëshiroj që ky sukses me një vendosshmëri të madhe fa forcojë dhe ta zhvillojë edhe më tepër Republikën e Turqisë. Jam i bindur plotësisht dhe shpresoj se nën udhëheq‏ësinë e juaj, edhe Republika e Turqisë por, edhe Bota Islame do të gëzojë arritje dhe suksese edhe shumë më të mëdha.

Duke ju uruar fitore më të madhe edhe në vitin 2023, me vendosmëri dhe fuqi ju dëshirojmë arritje të objektivave dhe sukseseve edhe më të mëdha….

Gjithnjë paçi ndihmën dhe bekimet e Allahut Fuqiplotë.

Kryetar i Bashkësisë Fetare Islame e RM

Reisul Ulema H. Sulejman ef. Rexhepi